作者:Bowtie

【私家醫院收費比較】病房日租最平$120?最貴$45,000!(3月更新)

2019年3月27日

公立醫院病房收費每日$120,雖然係好平,但就要住「大房」(多人房),而且有可能需要排隊先入到房。如果有財政能力或者買咗住院保險,大部份人都會選擇私家醫院,但間間醫院收費都唔同,邊間先啱Budget?

Bowtie 搜集咗香港各大私家醫院嘅病房收費,等你可以睇住自己個保險Plan,輕鬆揀間適合自己預算嘅病房!(3月更新)


養和並非收得最貴私家醫院普通房

香港大部分私家醫院嘅病房大致分3級 ︰普通病房(或稱標準房)、半私家房及私家房。每日房租收費介乎$500至$45,000,差別可以好大。


香港12間私家醫院病房收費比較
醫院 普通病房 半私家房 私家房
養和 $1,100-1,700(3-6人) $2,400-3,500 $3,900-6,700
聖保祿 $760-900M(3-4人) $1,380-1,480(2人) $3,080-4,880
司徒拔道港安 $900 $1,450-2,000(1-2人) $3,600
嘉諾撒 $780-1,180*(4-8人) $2,500-2,700* $3,600
明德國際 $900 $1,695(2人) $3,300
浸會 $800-1,230(2-9人) $1,650-2,020(1-2人) $3,180-3,880
播道 $680(3-5人) $1,000-1,400(1-2人) $1,850
寶血 $560-750(3-11人) $850-1,600(1-2人) $1,700-1,900
仁安 $500-800(4-14人) $900-1,800(1-3人) $2,500-45,000
荃灣港安 $550-950(3-5人) $1,000-1,100(2人) $1,600-2,500(1人房)

*窗邊加$200

資料來源︰私家醫院網上公開資料


除咗以上3個級別,有啲醫院仲會提供套房、貴賓房、優質私家房等比較Premium 嘅病房類型,最大分別當然係設施同房間大細啦!

例如仁安最貴嘅私家房除咗有客廳、飯廳、按摩椅,部份浴室更設有水力按摩池同電話,每日收費係$45,000

膳食方面,除咗嘉諾撒醫院列明房租包膳食之外,有6間醫院都講明唔包3餐,而港怡明德國際聖德肋撒播道仁安醫院就冇提包唔包。

值得一提,荃灣港安醫院聖德肋撒醫院另設有資助病房,每日房租為$120聖德肋撒醫院仲包埋早、午、晚3餐基本膳食,其他醫療雜項收費都會比標準房低。只要係本港永久居民向醫生提出而又有位,就可以住到資助病房。


ICU病房收費最貴$26,500

ICU病房收費

萬一不幸因為病情惡化而需要入住深切治療病房,因為設備需要,收費都會比普通成人或兒科病房貴一大截,每日平均收費為$9,785

醫院半私家房私家房套房
養和$8,500$12,500$26,500
聖保祿$5,800
司徒拔道港安$9,500
港怡$5,500-7,000
嘉諾撒$6,300
明德國際$9,000
浸會$11,000
仁安$2,500
播道收費表沒有列明
寶血收費表沒有列明
聖德肋撒(法國醫院)收費表沒有列明
荃灣港安收費表沒有列明

資料來源︰私家醫院網上公開資料


養和為例子,半私家房收費為$8,273,套房收費則為$26,500

至於兒科病房嘅收費,個Range 相對冇咁大,聖德肋撒醫院兒科標準房(3-5人)收費為$680-780,而最貴嘅養和兒科私家房則收$4,200-4,400


陪宿政策大不同陪宿政策大不同

私家醫院同公立醫院其中一個最大分別係,病人親友嘅探病時間比較Flexible,甚至可以過夜!不過,唔係間間病房都可以免費陪宿,最好問清楚護士或職員。

例如港怡聖德肋撒荃灣港安仁安嘅兒科病房免收陪宿費,其他醫院則收每晚$180$800不等。


病房級別會影響其他收費

住唔同級別病房嘅病人即使係接受同樣嘅治療、藥物或檢查,費用都會有分別。以聖保祿為例,註解列明手術室費、物理治療費、藥費等都會因應病房級別而改變,半私家房會增加30-50%,私家房會增加70-100%

所以,唔同級別嘅住院保險Plan唔止決定你住咩房,愈高級嘅Plan仲會增加其他費用嘅保障,買保險果陣要留意呢點。

延伸閱讀︰比較香港6間私家醫院常見手術收費!


留意按金同收費計算方式

為咗防止有人「走數」,醫院都會喺病人入院果陣收取按金,每間醫院嘅按金都有分別,個Range 大概$4,000至10萬蚊(香港居民),主要視乎病房嘅分別。

除非有公司擔保醫療費用,或者買咗醫院接受嘅保險計劃,所有病人都需要支付住院按金。

另外,每間醫院嘅「日租」定義都唔同,點先算係「半日」或者「一日」?我咃搵咗幾間醫院嘅計算方法俾大家參考吓︰

  • 養和醫院︰2小時以下=半天,2小時以上=1天。
  • 聖保祿醫院︰凌晨12時為截數日,住不足24小時也當作1天計,中午12時前出院,免當天房錢。
  • 浸會醫院︰入院日不論時間長短,均會收取1日病床費用,退房時間為下午1時,下午1時後出院會收取全日病床費用。
  • 聖德肋撒醫院︰每日中午12時前出院者,免交當天房租。
  • 荃灣港安醫院︰不足12小時以半天收費計,超過12小時以1天收費計。

私家醫院有權隨時更新收費

雖然以上12間醫院都有參與「提高私家醫院收費透明度的先導計劃」,但醫院始終係商業機構,隨時都可以加價或者更改條款,所以一定要睇清楚個「生效日期」。

醫院生效日期
聖保祿2018年10月1日
港怡2018年9月24日
嘉諾撒2018年10月1日
浸會2018年12月2日
仁安2018年12月1日
聖德肋撒(法國醫院)2019年1月1日
播道2018年11月5日
司徒拔道港安2017年1月1日
明德國際2018年1月1日
寶血2018年8月1日

資料來源︰私家醫院網上公開資料


*本文章內容由Bowtie團隊提供並只供參考,Bowtie 與所有私家醫院均沒有任何合作關係,亦對任何人因使用或誤用任何信息或內容,或對其依賴而造成的任何損失或損害,不承擔任何責任。

資料來源︰Bowtie

簡單‧尋保
imSure保險比較平台
傳媒報導
作者:Bowtie

【自願醫保扣稅攻略】想知慳到幾多稅?報稅前必睇5大重點!

2019年3月27日

自願醫保計劃(Voluntary Health Insurance Scheme 簡稱 VHIS)其中一個賣點就係保費支出可成為「扣除」,降低你嘅應課稅入息,變相達到扣稅效果。想知自願醫保可以幫你慳到幾多稅?報稅前,你要留意以下5個重點︰


1.點計自願醫保扣稅額?

2018-19年度財政預算案公佈,每名受保人每年可用作扣稅的自願醫保保費「扣除」額為$8,000。有關扣稅安排已於2018年10月31日經立法會通過。大家喺2019/20年課稅年度就可以申報保費支出作扣稅之用。

扣稅額嘅估算方式其實十分簡單︰

自願醫保保費 X 稅率 = 扣稅額

如果你嘅保費係$5,000,稅率係2%,可獲扣稅金額就係$100﹔如果你嘅收入達到最高稅率17%,可獲扣稅金額就係$850


交幾多稅就要睇埋免稅額

薪俸稅計算公式︰個人應課稅 = (入息總額「扣除」額免稅額) X 稅率

用最簡單嘅例子解釋,假設你嘅年收入係$18萬,只有個人免稅額($13.2萬^)及自願醫保「扣除」額($5,000),喺2019/20年課稅年度,你就要交咁多稅喇︰

($180,000 – $5,000 – 132,000)X 2% = $860

^假設2019/20年課稅年度個人免稅額為$13.2萬。


2.留意邊個係合資格「受養人」

合資格「受養人」

稅務條例草案定明,只有合資格「受養人」嘅保費支出先有得扣稅,所以你要了解清楚「受養人」定義,當中包括︰

  • 納稅人之配偶及子女
  • 納稅人之父母、祖父母、外祖父母及兄弟姊妹
  • 配偶之父母、祖父母、外祖父母及兄弟姊妹

幫年紀較大嘅「受養人」買自願醫保,會有較大機會用盡「扣除」額。因為保險公司於核保時,會參考其年齡來評估保費,年紀較大人士嘅保費通常較貴,「扣除」額自然較高。

換言之,如果你有兄弟姊妹,就要同佢哋夾清楚邊個負責幫父母買自願醫保、邊個可以申報有關「扣除」額,到時爭住報就唔好啦。


3.幫埋屋企人買慳最多稅幫屋企人買自願醫保慳稅

明報健康網於2018年3月曾報導,根據2017年保費推算,自願醫保平均價錢約$4,800。

年齡 每年平均保費
5歲以下 約$3,000
5至24歲 約$2,000-2,400
25至39歲 約$3,500
40至44歲 約$4,000
45至50歲 約$4,500
55至60歲 約$8,000
60至64歲 近$10,000

資料來源︰明報


淨係幫自己買自願醫保,好明顯唔會用盡「扣除」額。

如果你想慳多啲稅嘅話,你可以幫「受養人」買埋自願醫保,因為根據《 2018 年稅務(修訂)(第4 號)條例. 草案》,每名受養人嘅保費支出都可以扣稅,而且人數不設上限,假設你幫自己同3名「受養人」買自願醫保,「扣除」額上限最多可以變成$32,000

假設陳先生夫婦一家8口,需要供養雙方60歲以上父母及一對約20歲嘅子女,家庭年度總收入為$960,000。根據稅務局資料,已婚人士免稅額為$264,000,每名子女免稅額為$120,000,供養每名父或母嘅免稅額為$50,000。


例子1︰全家都冇買自願醫保*

應課稅入息︰$960,000 – $264,000 – $120,000 X 2 – $50,000 X 4 = $256,000

首20萬入息稅款︰$16,000

餘下稅款︰ $56,000 X 17% = $9,520


例子2︰陳先生只幫自己買自願醫保*

自願醫保「扣除」額︰$4,000(根據上述保費表)

應課稅入息︰$960,000 – $264,000 – $120,000 X 2 – $50,000 X 4 – $4,000 = $252,000

首20萬入息稅款︰$16,000

餘下稅款︰ $52,000 X 17% = $8,840


例子3︰陳先生幫一家8口買自願醫保*

自願醫保「扣除」額︰$4,000 X 2 + $2,400 X 2 + $8,000 X 4 = $44,800(根據上述保費表)

應課稅入息︰$960,000 – $264,000 – $120,000 X 2 – $50,000 X 4 – $44,800 = $211,200

首20萬入息稅款︰$16,000

餘下稅款︰ $11,200 X 17% = $1,904

例子 冇買自願醫保 只幫自己買自願醫保 幫一家8口買自願醫保
交稅 $25,520 $24,840 $17,904
慳稅 $0 $680 $7,616

可見,陳先生如果幫埋屋企人買自願醫保,總共可以慳稅超過 $7,600 ,換個角度即係以83折買自願醫保。

*以上例子沒有計算個人進修問支、長者住宿照顧開支、居所貸款利息、強積金供款、認可慈善捐款的「扣除」額。


4.只有食衛局認可產品先有得扣稅

根據食物及衛生局官網,自願醫保計劃推出之後,保險公司需要列明邊隻產品係計劃下嘅認可產品,而認可產品又分為最基本嘅「標準計劃」及保險公司自行設計嘅「靈活計劃」,暫時只有呢兩類產品先有得扣稅。

保險公司可能會將「靈活計劃」夾埋其他保險產品當一個Package Sell俾你,但你只可以就「靈活計劃」的支出申請扣稅,例子如下表︰

保險產品 「扣除」額
「標準計劃」(每年保費$3,000) $3,000
「靈活計劃」(每年保費$9,000) $8,000(已達上限)
「靈活計劃」+家居保險
(每年保費$7,000+$1,000)
$7,000

由於家居保險並非食衛局認可產品,相關保費支出就唔可以當係合資格稅務「扣除」項目喇!


5.「保費寬限期」會影響扣到幾多稅

大部分保險公司都會提供30日「保費寬限期」,如果投保人冇交一個月保費,只要喺寬限期之內交返保費,張單仍然會生效。

眾所周知,課稅年度最後一日係3月31日,假設你喺過去11個月都有交保費,只係3月暫時斷供,4月中先供返,即使你交晒3月同4月嘅保費,你只可以就11個月嘅保費支出扣稅,4月嘅支出就應該計落下一年度。

假設每月保費為$200,可扣稅之保費支出(3月斷供)= 200 X 11 = $2,200

如果對於年度保費支出同「扣除」額有疑問,最好就搵保險公司出張顯示你年度保費支出嘅「證明書」,跟住張證明去報稅就最穩陣喇!

最後,Bowtie 團隊提返大家,自願醫保原意係保障你嘅突發醫療開支,除咗考慮扣到幾多稅,最好睇埋啲保障適唔適合自己,先至作出投保決定。

*本文章內容由Bowtie資訊團隊提供並只供參考,Bowtie 對任何人因使用或誤用任何信息或內容,或對其依賴而造成的任何損失或損害,不承擔任何責任,如需要任何稅務建議,請諮詢你的稅務顧問。

資料來源︰Bowtie