作者:潛烏龜 x imSure

PADI 大路潛水牌一覽 (未學潛水必看!)

2019年4月11日

考慮緊學潛水嘅你,一定有聽過PADI (Professional Association of Diving Instructors)。究竟PADI 嘅潛水牌係點樣嘅一回事呢?邊個牌適合我呢?潛烏龜同你逐一介紹!


1. 開放水域潛水員 (Open Water Diver OW)


最初級,最初級,最初級嘅潛水牌係「開放水域潛水員」,一般俗稱O仔牌。一般人會誤會考潛水牌要係有好多經驗先得。其實唔係架喔,考O仔牌係唔需有潛水經驗嘅,只要你有基本嘅水性,健康嘅體魄就得。課程一般可以係4 - 5日內完成,包括理論堂同埋落水底嘅潛水堂。教練會教你潛水嘅基本理論同埋技巧,只要教練認為你應付得到,就會比你pass!拎住個O仔牌,你就可以潛落18米,踏出你嘅第一步(跨步式入水咁),睇D其他人睇唔到嘅海底世界!


2. 進階開放水域潛水員 (Advanced Open Water Diver AOW)


考完O仔,好多人都會考埋「進階開放水域潛水員」A仔牌。點解呢?首先成個課程通常2日就可以搞掂,一個weekend就okay,唔洗賴搵唔到時間學。另外你拎住A仔牌就可以深潛到30米同埋夜潛,可以去更多靚潛點到玩。你無A仔牌,出去外國潛水嘅時候,當地教練會望一望你,心入面冷笑一下,然後帶你去淺水地方遊花園算數。你要知道,大部分潛點都閒閒地都過20米,你落唔到去,咁你留係船上面好過啦。


3. 救援潛水員 (Rescue Diver)


會心思思諗學唔學「救援潛水員」Rescue嘅,你中嘅潛水毒都應該唔淺啦。 Rescue 教你嘅唔再係基本潛水技巧,而係教你係突發嘅意外情況下,點樣照顧自己同埋你嘅潛水Buddies。課程需要4 - 5日,有理論堂,亦都有潛水堂,同時加埋「緊急第一反應員」急救堂 EFR。你會同你嘅拍檔會輪流角色扮演,互相練習點樣處理唔同嘅意外情況。如果你考完A仔牌,累積左一定嘅潛水經驗,不妨考慮學埋Rescue。


4. 潛水長 (Divemaster)


「潛水長」DM可以話係休閒潛水嘅大佬。如果你一心想做潛水教練instructor,DM亦係你必經之路。你可以喺香港學,或者去外國學都得。係香港學嘅話,weekend潛水,要學差唔多一年。去外國學,日日潛,快則2 - 3個星期,慢慢學嘅2 - 3個月。係學新技巧嘅同時,你會幫間潛店帶客,好似工作假期咁,係一個畢生難忘嘅體驗。


5. 高氧潛水員Nitrox


「高氧潛水員」Nitrox算係一個分支嘅專長課程,O仔就可以學。唔洗落水,半日理論堂就搞掂,所以好多人會係冬天無水潛嘅時候上堂。考Nitrox嘅目的只有一個,就係要潛,盡,佢!你學嘅係點解吸支多d氧氣成分嘅樽係正d,同埋點樣安全咁吸。咩無減壓水底時間,咩水面停留時間,咩氧氣暴露,留翻上堂慢慢學。你想每次去dive trip都潛盡佢,諗諗Nitrox啦。


6. 適合出外潛水的旅遊保險



好多人都會去旅行學潛水,就要注意買返份保障到潛水嘅旅遊保險。 一般水肺潛水只要唔超過一定深度,都屬於承保範圍內。唔同保險公司對深度嘅要求各異,一般係30-40米內。另外,亦有旅遊保險要求參加者必須持有認可嘅潛水證書,同唔可以進行單獨潛水。


以下係各個保險公司對潛水嘅保障內容比大家參考:


保險公司 潛水
AIG 美亞 需加購自選保障
Allied World 世聯 受保
AXA 安盛 只限業餘運動
Blue Cross 藍十字 受保
Dai Sing 大新 受保
FWD 富衛 受保
Liberty 利寶國際 受保
MSIG 三井住友 受保
Prudential 保誠 受保
Starr 受保
Target 泰加 受保
Zurich 蘇黎世 受保

備註:潛水資料由潛烏龜提供,保險資訊由imSure提供



延伸閱讀︰潛烏龜 - 為什麼要在香港學潛水?

延伸閱讀︰潛烏龜 - 立即報名最新潛水課程


文章日期: 2019年4月11日

*本文章內容只供參考,imSure對任何人因使用或誤用任何信息或內容,或對其依賴而造成的任何損失或損害,不承擔任何責任。

簡單‧尋保
imSure保險比較平台
傳媒報導
作者:imSure

旅遊時遇上航班延誤注意事項

2019年2月20日

出門旅遊必備手冊

航班延誤篇

平時工作辛苦,不時都想去「快閃」旅行,周末到外地休息一下。近年越來越多廉價航空公司提供較平的機票,為香港人提供了不少選擇。但同時,廉航亦更容易有航班延誤的問題出現。去旅行希望開開心心,最掃興的就是天氣差甚至有天災。近年香港人常去的旅遊景點,包括台灣、日本等都不時有颱風和地震,心情有影響同時影響行程,不幸更有機會滯留當地未能返港。所以購買一份好的旅遊保險可以至少補償金錢上的損失,更重要的是知清楚旅遊保險有什麼條款保障,當有事故就可以立即找到最佳的解決方法。記得要多比較,唔駛靠人,自己都識點揀。


延伸閱讀︰旅遊保險個人財物保障全攻略



航班延誤是旅遊保險的主要保障範圍之一,大家選擇旅遊保險時,有幾個需要考慮的因素及注意事項:

1. 受保的延誤成因

一般旅遊保都會為惡劣天氣、工業行程及交通工具機件故障等原因,提供延誤賠償。但只有少數旅遊保險會為其他風險提供保障,例如騷亂、暴動、甚至恐怖襲擊等,受保風險當然愈多來好。


2. 延誤時間的要求

少部分旅遊保對延誤時數的要求較低,只需延誤滿3小時,則可以提供延誤賠償,而大部分旅遊保則會要求滿5-6小時的延誤才會作出賠償,賠償額一般為每指定一段時間(每6-12小時)就會提供一般賠償,直至達致賠償上限。


3. 所需的文件

這是最重要,亦是大部分人都最容易忽略的一項。延誤發生後,乘客可要求航空公司提交一份書面說明,證明該次延誤的原因及延誤時數。受保人需要提交這份文件的正本給保險公司,同時將自己的登機證(boarding pass)提交。因此,千萬要記住保留好自己的登機證!


以下是各種保險在航班延誤上的比較

保險公司 最低延誤小時 首次賠償 其後指定時間(小時) 每次賠償 延誤保額上限
AIG 美亞 5 $300 10 $700 $1,500-$2,000**
Allied World 世聯 6 $250 6 $250 $2,500
AXA 安盛 6 $250 6 $250 $2,000
Blue Cross 藍十字 6 $250-$300 6 $300 $300-$1,500
Dai Sing 大新 5 $300 10 $300 $1,500-$3,000
FWD 富衛 6 $300 6 $300 $600-$2,500
Liberty 利寶國際 沒有標明 沒有標明 沒有標明 沒有標明 $5,000
MSIG 三井住友 6 $250 12 $250 $500-$3,500
Prudential 保誠 5 $200 8 $400 $1,800
Starr 6 $300 6 $300 $1,500-$3,000**
Target 泰加 5^^^ $500 5 $500 $5,000-$10,000**
Zurich 蘇黎世 6 $300 6 $300 $300-$1,500

** = 不適用於美亞旅遊智易保基本計劃,STARR卓悅遊標準計劃和泰加MOVE計劃
^^^ = 不適用於泰加MOVE計劃


延伸閱讀︰旅遊時玩極限運動或參加運動比賽的注意事項